اڈیالہ جیل میں آج بڑی سیاسی بیٹھک

 

راولپنڈی (آئی آر کے نیوز): بانی پاکستان تحریکِ انصاف (پی ٹی آئی) عمران خان سے ملاقات کیلئے آج اڈیالہ جیل میں اہم شخصیات کی آمد متوقع ہے۔

میڈیا رپورٹس میں دعویٰ کیا گیا ہے کہ راولپنڈی اڈیالہ جیل میں آج بڑی سیاسی بیٹھک کا امکان ہے اور اس حوالے سے پی ٹی آئی کی سیاسی کمیٹی کے اراکین اور اتحادی جماعتوں کے سربراہان بانی پی ٹی آئی عمران خان سے ملاقات کیلئے آئیں گے۔

واضح رہے کہ گزشتہ جمعرات کو پی ٹی آئی رہنماؤں کی عمران خان سے ملاقات نہیں ہو سکی تھی۔

تاہم آج عمران خان سے اڈیالہ جیل میں ملاقات کے لیے آنے والوں میں پنجاب اور خیبر پختونخوا کی پارٹی قیادت بھی شامل ہے۔

اڈیالہ جیل میں آج بانی پی ٹی آئی عمران خان کے ساتھ ہونے والی اہم ملاقاتوں میں موجودہ ملکی صورتحال اور اپوزیشن اتحاد کے حوالے سے بات چیت ہوگی۔ علاوہ ازیں کے پی کے اور پنجاب میں تنظیم سازی اور عید کے بعد متوقع تحریک کے حوالے سے بھی معاملات پر گفتگو ہوگی۔

میڈیا رپورٹس میں دعویٰ کیا گیا ہے کہ علامہ ناصر عباس، صاحبزادہ حامد رضا، عمر ایوب کا نام ملاقاتیوں کی فہرست میں شامل ہے۔ اسی طرح اسد قیصر، اعظم سواتی اور حسن یوسفزئی بھی عمران خان سے ملاقات کے لیے آئیں گے۔

عمران خان سے ملاقات کے لیے کے پی کے سے جنید اکبر، پنجاب سے ملک احمد بچھڑ بھی اڈیالہ جیل پہنچیں گے۔