یہاں یہ یاد رہے کہ ادکارہ کرینہ کپور اور
سیف علی خان کی جوڑی بالی وڈ کی خوشحال جوڑیوں میں سے ایک مانی جاتی ہے
جنہوں نے 2012 میں شادی کی اور ابھی تک ایک دوسرے کے ساتھ خوشحال زندگی گزار رہے
ہیں، ان کے دو بیٹے تیمور اور جے بھی ہیں۔
بھارتی میڈیا کے مطابق سشیل کمار سنگھ نامی
بھارتی نجومی کی جانب سے جوڑے کے درمیان علیحدگی کے حوالے سے حیران کن پیش گوئی کی
گئی ہے جس نے سیف اور کرینہ کے مداحوں کو تشویش میں مبتلا کردیا ہے۔
حال ہی میں سشیل کمار سنگھ نے اپنے
انٹرویو میں سیف اور کرینہ کے تعلقات سے متعلق بات کرتے ہوئے کہا کہ ’سیف
اور کرینہ اگلے ڈیڑھ سال میں الگ ہو جائیں گے‘۔
بھارتی نجومی نے اس جوڑے کی علیحدگی پر 2010
میں کی گئی اپنی پیش گوئی کو یاد کرتے ہوئے کہا کہ ’میں نے 2010 میں اپنے بلاگ میں
لکھا تھا کہ یہ شادی نہیں چلے گی کیوں کہ یہ سیف علی خان اور کرینہ کپور کی کنڈلی
میں ہے‘۔
یاد رہے کہ حال ہی میں سیف علی خان پر ان کی
ممبئی کی رہائش گاہ میں گھس کر حملہ کیا تھا جس دوران سیف کو شدید چوٹیں آئی تھیں۔
بعد ازاں اداکار کی بھارت کے لیلاوتی اسپتال
میں سرجری کی گئی، ڈسچارج ہونے کے بعد سیف کی جانب سے اپنی فیملی کی حفاظت یقینی
بنانے کے لیے اضافی احتیاطی تدابیر اختیار کی گئی ہیں۔
اس حملے سے متعلق سشیل کمار سنگھ نے
کہا کہ’ یہ اندرونی معاملہ ہو سکتا ہے، شاید یہ معاملہ حل نہ ہو جب کہ ڈیڑھ
سال میں سیف اور کرینہ کے درمیان طلاق ممکن ہے، جتنا بھی دبایا جائے کنڈلی صاف
بتارہی ہے کہ دونوں کے درمیان جلد علیحدگی ہوگی‘۔
تاہم بھارتی نجومی کی جانب سے کی گئی پیش
گوئی اور بھارتی میڈیا کی خبروں پر پر اداکار جوڑی یا ان کے خاندان کی جانب سے کسی
قسم کے ردعمل کا اظہار نہیں کیا گیا ہے۔