14 فروری کو راکھی ساونت سے نکاح؟ مفتی قوی کا حیرت انگیز دعویٰ

 

14 فروری کو راکھی ساونت سے نکاح؟ مفتی قوی کا حیرت انگیز دعویٰ

اپنے متنازع بیانات کی وجہ سے سوشل میڈیا پر خبروں میں رہنے کے شوقین مفتی قوی نے دعویٰ کیا ہے کہ بہت جلد وہ بھارتی اداکارہ راکھی ساونت کے ساتھ رشتہ ازدواج میں منسلک ہونے جارہےہیں۔ انہوں نے دعویٰ کرتے ہوئے مزید کہا کہ 14 فروری کو میرا راکھی سے نکاح ہونے جا رہا ہے۔ اور میں نے بھرپور تیاریاں کررکھی ہیں۔

انہوں نے اس بات کا دعویٰ " سنو ٹی وی " کے ایک پروگرام میں کیا۔ خیال رہے کہ کچھ عرصہ پہلے ہی مفتوی قوی نے راکھی ساونت کو شادی کی آفر کی تھی، جس پر بھارتی اداکارہ نےحامی بھی بھری تھی۔

اسی شو میں جب ہوسٹ نےان سے ماضی کے مختلف سکینڈلز کے بارے میں پوچھا تو انہوں نے کھل کربات کی۔

انہوں نے ہوسٹ کے ہر سوال کا جواب نہایت فراخ دلی کے ساتھ دیا، اور کہا کہ میں نے ہمیشہ تنقید کا نشانہ بنانے والوں کو بھی اچھے سے جواب دیا ہے۔

پروگرام میں ہوسٹ نے ان سے ماضی میں حریم شاہ کے ساتھ وائرل ہونے والی وڈیوز پر بھی سوالات کئے جس پر مفتی قوی نے بغیر کسی ہچکچاہٹ کے ہوسٹ کو کھل کر سب بتادیا۔

انہوں نے کہا کہ ٹک ٹاکر حریم شاہ کے ساتھ ان کی وائرل ویڈیو پورے پاکستان نے دیکھی۔ انکا مزید کہنا تھا کہ مجھے خواتین کو شیشے میں اتارنا آتا ہے اور خواتین میرے طلسماتی شخصیت کے سامنے ٹہھر نہیں پاتی ہیں۔

مفتی قوی دعویٰ کیا کہ انکا فون نمبر پاکستان کی ہر خاتون کے پاس ہوگا اور اس میں کسی کو بھی شک نہیں ہونا چاہئے کی انکی شخصیت کی وجہ سے ہر خاتون انکے قریب آنے کی امید میں رہتی ہے۔

مفتی قوی کے اس دعویٰ کے بعد سوشل میڈیا پر انکو سخت تنقید کا سامنا کرنا پڑا۔ خواتین نے مفتی قوی کے ریمارکس پر انکو آڑے ہاتھوں لیتے ہوئے ان سے معافی کا مطالبہ کیا ہے۔

پروگرام کے دوران انہوں نے ایک اور حیرت انگیز بات کہی۔ انکا کہنا تھا کہ ہر انسان کو صرف ایک ہی شادی کرنی چاہیے جب کہ نکاح متعدد ہو سکتے ہیں۔ شو میں مزید گفتگو کرتے ہوئے مفتی قوی نےرن مرید ہے ہونے کو باعث فخر قرار دیا اور کہا کہ جو شخص بھی رن مرید ہوتاہے وہی فائدہ میں رہتا ہے اور اسی کی زندگی سکون بھری ہوتی ہے۔