اسلام آباد (آئی آر کے نیوز): معروف ٹک ٹاکر مسٹر پتلو کو اسلام آباد ہائیکورٹ سے بڑا ریلیف مل گیا۔ اسلام آباد ہائیکورٹ کے چیف جسٹس سردار سرفراز ڈوگر نے مسٹر پتلو کی حفاظتی ضمانت منظور کرتے ہوئے انہیں 10 نومبر تک متعلقہ عدالت میں پیش ہونے کی ہدایت کر دی۔
مسٹر پتلو اپنے وکیل کے ہمراہ وہیل چیئر پر عدالت میں پیش ہوئے۔ دورانِ سماعت ان کے وکیل بیرسٹر قاسم نواز نے مؤقف اختیار کیا کہ مہندی کی تقریب کے لیے باقاعدہ این او سی حاصل کیا گیا تھا جبکہ امن و امان برقرار رکھنا انتظامیہ کی ذمہ داری تھی۔ اس دوران تو مسٹر پتلو موقع پر موجود بھی نہیں تھے بلکہ اسپتال میں زیرِ علاج تھے۔