انٹرنیشنل اولمپکس کمیٹی (او آئی سی) نے 2028 میں لاس اینجلس میں شیڈول اولمپکس میں مرد اور خواتین کی 6، 6 کرکٹ ٹیموں کو شامل کرنے کا فیصلہ کیا ہے۔
تفصیالت کے مطابق کرکٹ کو آخری مرتبہ 1900
میں پیرس میں ہونے والے اولمپکس میں شامل کیا گیا تھا۔
اب 125 سال بعد لاس اینجلس اولمپکس 2028 میں
میں کرکٹ ٹی ٹوئنٹی فارمیٹ میں کھیلی جائے گی جس میں مرد اور خواتین کے ایونٹس میں
6، 6 ٹیمیں ہوں گی جن کے لیے 90، 90 کھلاڑیوں کا کوٹہ الاٹ کیا جائے گا، مرد و
خواتین میں ہر ٹیم 15، 15 کھلاڑیوں پر مشتمل ہوگی۔
انٹرنیشنل کرکٹ کونسل کے 12 فل ممبرز ہیں،
ایونٹ پروگرام اینڈ ایتھلیٹ کوٹہ کی منظوری آئی او سی کے ایگزیکٹو بورڈ نے دی تاہم
لاس اینجلس اولمپکس کے کرکٹ وینیوز کا تاحال فیصلہ نہیں کیا گیا۔
لیکن پاکستان کو اولمپکس مقابلوں میں
کوالیفائی کرنے میں مشکلات کا سامنا کرنا پڑ سکتا ہے کیونکہ موجودہ آئی سی سی
رینکنگ میں پاکستان مینز ٹیم ساتویں اور ویمنز ٹیم آٹھویں پوزیشن پر ہے جبکہ
اولمپکس میں آئی سی سی رینکنگ میں ٹاپ کی 6 ٹیمیں کوالیفائی کریں گی۔ پاکستان کو
اولمپکس میں کوالیفائی کرنے کے لیے رینکنگ بہتر کرنا ہو گی۔
دوسری جانب لاس اینجلس اولمپکس 2028 میں 11
ہزار 198 ایتھلیٹس شرکت کریں گے، اولمپک پروگرام کے 31 اور ہوسٹ وینیو کے 5 کھیلوں
کے مقابلے ہوں گے، لاس اینجلس اولمپکس میں مجموعی طور پر 351 میڈلز ایونٹ ہوں گے
جبکہ ایکواٹکس میں 55 اور ایتھلیٹکس میں مجموعی طور پر 48 میڈلز دیے جائیں گے۔