معروف بھارتی اداکار کی افطار پارٹی، سوشل میڈیا پر ویڈیوز وائرل

 

بھارت کے معروف اداکار تھلاپتی وجے نے ماہ رمضان میں افطار پارٹی کی جس میں ہزاروں افراد نے شرکت کی۔

بھارتی میڈیا رپورٹس کے مطابق حال ہی میں تھلاپتی وجے نے  اپنی سیاسی جماعت بنائی ہے اور اس کا نام تامیلاگا ویٹری کازگام ہے۔ جس کے بعد اداکار نے چنئی میں پارٹی کی جانب سے افطار کا اہتمام کیا جس میں ہزاروں افراد نے شرکت کی۔ دعوت افطار میں تھلاپتی وجے خود بھی موجود رہے اور اس دوران انہوں نے روایتی لباس اور سر پر ٹوپی پہن رکھی تھی۔

اس تقریب میں قران پاک کی تلاوت کی گئی، دعائیں مانگی گئیں۔ اداکارتھلاپتی وجے نے مسلمانوں کے ساتھ افطار بھی کیا۔ یہاں یہ بھی یاد رہے کہ تھلاپتی وجےعیسائی مذہب سے تعلق رکھتے ہیں مگراس کے باوجود بھی انہوں نے مسلمانوں کے ساتھ افطارکیا اور باجماعت نماز ادا کی۔ ان کی یہ وڈیو سوشل میڈیا پر کافی وائرل بھی ہوئی۔

خیال رہےکہ تھلاپتی وجےکا شمار بھارت کے سب سے زیادہ معاوضہ لینے والے اداکاروں میں ہوتا ہے جنہوں نے ایک فلم کیلئے 275 کروڑ بھارتی روپے معاوضہ لیا۔