حال ہی میں فرانسیسی لگژری برانڈ کوپرنی کی مارکیٹ کردہ ایک غیر روایتی جینز کے ڈیزائن نے لوگوں کو حیران کردیا ہے۔
تفصیلات کے مطابق فرانسیسی لگژری برینڈ نے ایک ٹانگ والی جینز متعارف
کروائی ہے۔ جس کے بعد سوشل میڈیا پر اس جینز کو لے کر لوگوں کے ملے جلے ردعمل
سامنے آرہے ہیں۔
کافی لوگوں نے اس کو تنقید کا نشانہ بنایا ہے۔ دراصل فیشن مسلسل ترقی
کرتا رہتا ہے لیکن بعض اوقات ایک ایسا فیشن ابھرتا ہے جو اتنا عجیب ہوتا ہے کہ اسے
عوام میں بیچنا ایک ناممکن کام لگتا ہے۔
ایسا ہی کچھ معروف فرانسیسی برینڈ نے کیا ہے جس کی وجہ سے اس وقت سوشل
میڈیا صارفین الجھ کر رہ گئے ہیں کہ ایک ٹانگ والی اس جینز کے فیشن کو فالو کریں یا
نہیں۔
یہاں یہ بھی یاد رہے کہ اس جینزکی قیمت ناقابل یقین حد تک 440 ڈالرز
ہے جو کہ پاکستانی 1 لاکھ 23 ہزار بنتے ہیں۔ اس کی مارکیٹنگ فرانسیسی لگژری برانڈ
کوپرنی نے کی ہے۔
لباس کی شیئر کردہ تصویر پر لکھا تھا کہ یہ کلاسک کوپرنی ڈینم اسٹائل
کی حدود کو نئی جہتوں کی طرف لے جا کر تخلیق کیا گیا ہے۔
فیشن انفلوئنسر کرسٹی سارہ نے غیر روایتی جینز کو آزمایا اور
انسٹاگرام اکاؤنٹ پر اپنی رائے دی۔ انہوں نے بتایا کہ یہ ممکنہ طور پر انٹرنیٹ پر
سب سے زیادہ متنازعہ جینز ہے۔