قومی کرکٹ ٹیم کے سابق کپتان شعیب ملک کا کہنا ہے کہ وہ اس بات کو یقینی بناتے ہیں کہ وہ مہینے میں دو مرتبہ اپنے بیٹے اذہان سے ملنے دبئی ضرور جائیں۔
تفصیلات کے مطابق شعیب ملک نے ان خیلات کا اظہار ایک رمضان ٹرانسمیشن میں
کیا جہاں انہوں نے اپنی نجی زندگی اور بیٹے سے اپنے رشتے سے متعلق گفتگو کی۔
شعیب ملک نے بتایا کہ ان کا بیٹے کے ساتھ باپ بیٹے سے زیادہ دوستی کا
رشتہ ہے اور ایک مضبوط بونڈ ہے۔ ان کا کہنا تھا کہ وہ بیٹے سے ملنے مہینے میں 2
مرتبہ دبئی ضرور جاتے ہیں اور اس کے ساتھ بھرپور وقت گزارتے ہیں۔
سابق کپتان نے کہا کہ جتنی دیرکیلئے بھی دبئی جاؤں، پوری کوشش ہوتی ہے
کہ سارا وقت بیٹے کو دوں۔ انہوں نے کہا کہ وہ اپنے بیٹے کو خود ڈراپ کرتے ہیں، اس
کے علاوہ وہ بیٹے کے ساتھ کھیلوں کی سرگرمیوں میں بھی حصہ لیتے ہیں۔
ان کا کہنا تھا کہ والدین کا بچوں کے ساتھ دوستی کا رشتہ ہونا بہت
ضروری ہے جیسے کہ میں اپنی والدہ کے بہت قریب ہوں۔ انہوں نے بتایا کہ وہ اپنے بیٹے
کو پارک لے کر جاتے ہیں اور دونوں میں وہاں فٹبال کا مقابلہ ہوتا ہے جو اذہان کو
بہت پسند ہے۔
یاد رہے کہ بھارتی ٹینس اسٹار ثانیہ مرزا سے علیحدگی کے بعد شعیب ملک
نے اداکارہ ثنا خان نے شادی کرلی تھی جس کے بعد سے ثانیہ اور شعیب ملک کا اکلوتا
بیٹا دبئی میں اپنی والدہ کے ساتھ رہتا ہے۔