کراچی (آئی آر کے نیوز): پاکستان شوبز انڈسٹری کی اسٹار اور سینئر اداکارہ حنا خواجہ بیات نے حال ہی میں اپنے رقص کی ویڈیو شئیر کی جسے تنقید کا سامنا کرنا پڑ رہا ہے۔
دراصل یہ قصہ اس وقت شروع ہوا جب 10 مارچ کو اداکارہ حنا بیات نے سوشل میڈیا ایپ انسٹاگرام پر ایک ویڈیو شیئر کی تھی جس میں انہیں لندن کی سڑک پر بالی وڈ گانے ’لندن ٹھومکدا‘ پر ڈانس کرتے دیکھا گیا۔
لیکن جیسے ہی یہ ویڈیو شئیر کی گئی، اداکارہ کو رمضان المبارک کے دوران ڈانس کی ویڈیو شیئر کرنا مہنگا پڑگیا۔
ویڈیو میں ایک آرٹسٹ کو لندن کی گلی میں بالی وڈ کا مشہور گانا ’لندن ٹھومکدا‘ گاتے ہوئے دیکھا گیا جب کہ اداکارہ سمیت دیگر مردو خواتین کو اس گانے پر ڈانس کرتے دیکھا جا سکتا ہے۔
اداکارہ حنا بیات نے اپنی ویڈیو کے کیپشن میں لکھا کہ ’ جب کوئی آرٹسٹ آپ کو پہچان لے اور آپ سے اپنی پرفارمنس میں شامل ہونے کی درخواست کرے‘۔
حنا خواجہ کی ویڈیو سوشل میڈیا پر وائرل ہوگئی جس کے بعد سوشل میڈیا صارفین اداکارہ کو دوران رمضان سڑکوں پر رقص کرتے دیکھ بھڑک اٹھے اور شدید تنقید کا نشانہ بناڈالا۔
دوسری جانب، کچھ صارفین نے اداکارہ کی ویڈیو کی تعریف بھی کی جس پر اداکارہ نے انہیں شکریہ ادا کیا جب کہ منفی تبصرہ کرنے والوں کو سخت جواب دیے بغیر اپنا بھرپور دفاع کیا۔