مسوری کے ایک شخص کو اپنے باغ کی دیکھ بھال کے دوران کسی شخص کی سنہ 1981 میں کھوجانے والی انگوٹھی مل گئی۔
میڈیا رپورٹس کے مطابق نیل لینس ڈاؤن اپنے
باغ میں کام کررہا تھا جہاں اسکو 1981 میں کسی شخص کی کھو جانے والی انگوٹھی مل
گئی۔ اس نے کہا کہ اپنے باغ میں کام کرتے ہوئے اس سے مٹی و کچرے کے ڈھیر میں ایک
چمکتی ہوئی چیز دیکھی جسے صاف کرنے کے بعد پتا چلا کہ یہ تو سنہ 1978 کی اوماہا
نارتھ ویسٹ ہائی اسکول کے کسی طالبعلم کی ہے۔ اس انگوٹھی پر اسکول و تاریخ کے
علاوہ اس شخص کا نام ’کیری کروکر‘بھی لکھا ہوا تھا۔
نیل نے کہاکہ یہ ایک عجیب بات ہے کہ وہ
انگوٹھی اوہاما سے تقریباً 70 میل دور مسوری کے راک پورٹ میں واقع ان کے باغ میں
کیسے پہنچ گئی۔
انہوں نےایک انٹرویو کہا تھا کہ میں انگوٹھی
کو ڈھونڈنے کے بعد کسی انعام کا خواہش مند نہیں ہوں لیکن میں چاہتا ہوں کہ یہ
انگوٹھی اس کے اصل مالک تک پہنچ جائے اور میں اس کے لئے اپنی طرف سے پوری کوشش
کروں گا۔
بعد ازاں اوماہا نارتھ ویسٹ فاؤنڈیشن نے سوشل
میڈیا پر انگوٹھی کے مالک کیری کروکر کی تلاش کا آغاز کیا لیکن انہیں آن لائن
کوئی کامیابی حاصل نہیں ہوئی۔ تاہم کیری کروکر ایک ٹی وی نیوز رپورٹ میں اپنی
انگوٹھی کے بارے میں جان کر نیل تک پہنچ گیا۔
کیری کروکر اب فلوریڈا میں رہتے ہیں، انہوں
نے بتایا کہ انگوٹھی سنہ 1981 کے آس پاس غائب ہوگئی تھی۔
انہوں نے کہا کہ مجھے کوئی پتا نہیں ہے کہ یہ
مجھ سے کیسے دور ہوئی۔ انہوں نے مزید کہاکہ انہیں کوئی آئیڈیا نہیں کہ وہ انگوٹھی
کہیں رکھ کر بھول گئے تھے یا کسی نے اس کو چرالیا تھا۔
کیری کروکر نے کہاکہ وہ کبھی بھی راک پورٹ
نہیں گئے، ہاں لیکن ان کے خاندان کے افراد انگوٹھی کھونے کے موقعے پر اوماہا میں
پھولوں اور گملوں کی دکان چلاتے تھے اور وہ بھی وہاں جایا کرتے تھے۔
انہوں نے مزید کہاکہ اس لیے ہو سکتا ہے کہ
انگوٹھی گملے یا مٹی میں گر گئی ہو اور وہاں سے کسی طرح راک پورٹ پہنچ کر نیل کے
باغ جا پہنچی ہو۔