اسلام آباد (آئی آر کے نیوز): حکومت نے نیب ترمیمی بل 2024 واپس لے لیا۔
تفصیلات کے مطابق حکومت نے نیب ترمیمی بل 2024 واپس لے لیا، جس کے تحت زیر حراست ملزم کا ریمانڈ 14 دن سے بڑھا کر 40 دن کردیا گیا تھا۔
اس حوالے سے وفاقی وزیر قانون اعظم نذیر تارڑ نے بل واپس لینے کی تصدیق بھی کی ہے۔
میڈیا رپورٹس کے مطابق قومی اسمبلی کی قائمہ کمیٹی برائے قانون و انصاف کا اجلاس اسلام آباد میں منعقد ہوا۔
قومی اسمبلی کی قائمہ کمیٹی برائے قانون و انصاف میں اظہارِ خیال کرتے ہوئے اعظم نذیر تارڑ کا کہنا تھا کہ نیب آرڈیننس کے تحت کسی بھی ملزم کو حراست میں رکھنے کا دورانیہ 40 دن تھا۔ بل واپس لیے جانے کے بعد کسی ملزم کو 14 دن تک حراست میں رکھا جا سکےگا۔
وفاقی وزیر قانون نے اجلاس کو مزید بتایا کہ قومی اسمبلی کا مشترکہ اجلاس 10 مارچ کو ہوگا، 11 مارچ کو قومی اسمبلی کا اجلاس ہوگا۔