پاکستان کا ایک بار پھر بھارت کے ساتھ بڑا پن، چیمپئنز ٹرافی کے لیے درخواست دینے والے تمام بھارتی صحافیوں کو ویزے جاری کر دیے گئے۔
ذرائع کی جانب سے یہ دعویٰ کیا گیا ہے کہ بھارت کی طرف سے 7 صحافیوں
نے چیمپئنز ٹرافی کے لیے پاکستان کے ویزے کے لیے رجوع کیا تھا، جس کے جواب میں
پاکستان نے تمام بھارتی صحافیوں کو ویزا جاری کر دیاہے۔ پاکستان کی جانب سے کسی
بھی بھارتی صحافی کا ویزا مسترد نہیں کیا گیا۔
خیال رہے کہ پاکستان کو 29 سال کے لمبے عرصے بعد آئی سی سی ایونٹ کی
میزبانی ملی ہے۔ پاکستان 19 فروری سے شروع ہونے والی چیمپئنز ٹرافی کا میزبان ملک
ہونے کے ساتھ ٹرافی کا دفاعی چیمپیئن بھی ہے۔
میگا ایونٹ 19 فروری سے کراچی میں شروع ہوگا جس میں 8 ممالک کے درمیان
15 میچز کھیلے جائیں گے، پاکستان اور بھارت ٹاکرا 23 فروری کو دبئی میں ہوگا۔
لاہور اور دبئی میں 4،4 میچز کھیلے جائیں گے، نیشنل بینک اسٹیڈیم
کراچی اور پنڈی کرکٹ اسٹیڈیمز 3،3 میچز کی میزبانی کریں گے، چیمپئنز ٹرافی کا
انعقاد 19 فروری سے9 مارچ تک ہوگا۔
گروپ اے میں پاکستان، بھارت، نیوزی لینڈ اور بنگلادیش شامل ہیں، گروپ
بی میں آسٹریلیا، انگلینڈ، افغانستان اور جنوبی افریقا موجود ہیں۔
ٹورنامنٹ کا پہلا سیمی فائنل 4 مارچ کو دبئی میں کھیلا جائے گا، دوسرا
سیمی فائنل 5 مارچ کو لاہور میں ہوگا۔
چیمپئنز ٹرافی کا فائنل 9 مارچ کو کھیلا جائے گا تاہم اگر بھارت فائنل میں پہنچا تو میچ دبئی میں ہوگا، فائنل کیلئے 10 مارچ کا دن ریزروے ڈے رکھا گیا ہے۔