کراچی (آئی آر کے نیوز): ملکی تاریخ میں پہلی بار سونے کی فی تولہ قیمت 4 لاکھ سے تجاوز کرگئی۔
آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا 5900 روپے مہنگا ہوکر 4 لاکھ3600 روپے کا ہوگیا ہے۔
اسی طرح 10 گرام سونے کی قیمت 5058 روپے اضافے کے بعد 3 لاکھ46 ہزار 21 روپے پر پہنچ گئی ہے۔
دوسری جانب عالمی بازار میں بھی سونے کے نرخوں میں اضافہ دیکھنے میں آیا ہے جہاں فی اونس سونا 59 ڈالر بڑھ کر 3818 فی اونس ڈالر کا ہوگیا ہے۔