آئی سی سی نے چیمپئنز ٹرافی کے کامیاب انعقاد پر پاکستان کرکٹ بورڈ کو سراہا اور سیکیورٹی کے شاندار انتظامات پر پاکستان کی تعریف کی ہے۔
ذرائع کے مطابق منیجرآئی سی سی سیفٹی اینڈ سیکیورٹی ڈاکٹر ڈیومسکر نے
چیمپیئنز ٹرافی کے انتظامات پر پاکستان کی تعریف کرتے ہوئے پاک آرمی ، رینجرز اور
پولیس کا شکریہ ادا کیا ہے۔
ڈاکٹر ڈیومسکر نے کہا ہے کہ ٹورنامنٹ شروع ہونے سے پہلے ٹیموں کو
پاکستان آنے پر تحفظات تھے مگر پورے ٹورنامنٹ میں جس طرح پاکستان کی سیکیورٹی
فورسز نے انتظامات سنبھالے وہ قابل ستائش ہے۔
انہوں نے کہا ’مجھے ذاتی طور پر کوئی شک نہیں کہ یہاں پروفیشنلزم
شاندار تھی، ٹورنامنٹ سے پوری دنیا میں پاکستان، عوام اور سیکیورٹی اداروں کا مثبت
امیج جائے گا۔‘
ان کا کہنا تھا کہ یہ ٹورنامنٹ بہت شاندار رہا ہے۔