اسلام آباد (آئی آر کے نیوز) سانحہ 9 مئی کے ملزمان کی ضمانت منسوخی کے لیے سپریم کورٹ میں دائر حکومتی اپیلیں سماعت کیلئے مقرر کردی گئیں۔
تفصیلات کے مطابق سانحہ 9 مئی کے ملزمان کی ضمانت منسوخی سے متعلق دائر اپیلوں پر چیف جسٹس یحییٰ آفریدی کی سربراہی میں 3 رکنی بینچ 10مارچ سے سماعت کرے گا۔
چیف جسٹس کے علاوہ جسٹس مسرت ہلالی اور جسٹس میاں گل حسن بینچ کا حصہ ہوں گے۔
میڈیا رپورٹس میں بتایا گیا ہے کہ سانحہ 9 مئی ملزمان کی ضمانت منسوخی کی 16 اپیلوں پر سماعت 11 مارچ کو ہوگی جب کہ بینچ 12مارچ کو 9 مئی ملزمان کی ضمانت منسوخی کی 8 اپیلوں پر بھی سماعت کرے گا۔
واضح رہے کہ پنجاب حکومت نے سانحہ 9 مئی کے واقعات میں نامزد ملزمان کی ضمانتیں منسوخ کرنے کی استدعا کی ہے۔