سعودی حکومت کی جانب سے حج 2025 کے لیے خصوصی شرائط میں میننجائٹس
ویکسین کو لازمی قرار دے دیا گیا ہے۔
تفصیلات کے مطابق سعودی وزارت حج و عمرہ نے تمام ملکی اور غیرملکی
عازمین کو ویکسینیشن کرا کے سعودی عرب آنے کی شرط رکھ دی ہے
بصورت دیگر انہیں حج کی اجازت نہیں دی جائے گی۔
حکام کا کہنا ہے کہ ویکسین کے بغیر کسی بھی شخص کو حج پیکج بک کرنے یا
رجسٹریشن کرانے کی اجازت نہیں ہوگی۔ یہ اقدام دوران حج متعدی بیماریوں کے پھیلاؤ
کو روکنے کے لیے اٹھایا گیا ہے۔
وزارت نے واضح کیا کہ میننجائٹس ایک سنگین بیماری ہے جو رش والی جگہوں
پر تیزی سے پھیل سکتی ہے، اس لیے حج جیسے بڑے اجتماع کے دوران اس سے بچاؤ کے لیے
ویکسینیشن انتہائی ضروری ہے۔
سعودی حکومت کی جانب سے یہ اعلان ایسے وقت میں آیا ہے جب حج 2025 کی
تیاریوں کا آغاز ہو چکا ہے، اور پاکستان سمیت مختلف ممالک کے ساتھ حج معاہدے طے پا
رہے ہیں۔
عازمین حج کو ہدایت دی گئی ہے کہ وہ وقت سے پہلے ویکسین لگوالیں تاکہ
ان کی رجسٹریشن میں کوئی رکاوٹ نہ آئے۔