عمران خان نے شیر افضل مروت کو پارٹی سے نکال دیا
لاہور (آئی آر کے نیوز): پاکستان تحریک انصاف (پی ٹی آئی) کے بانی چیئرمین عمران خان نے شیر افضل مروت کو پارٹی سے نکال دیا۔
نجی ٹی وی چینل جیو نیوز کے مطابق میڈیا ذرائع کی جانب سے بتایا گیا ہے کہ شیر افضل مروت کو بار بار پارٹی ڈسپلن کی خلاف ورزی پر پارٹی سے نکال دیا گیا ہے۔
ذرائع کا اس حوالے سے بتانا ہے کہ صوابی جلسےمیں غیرضروری تقریر پر بانی پی ٹی آئی نے شیرافضل پراظہاربرہمی کیا، جبکہ پارٹی رہنما جلد شیرافضل مروت کی بنیادی رکنیت ختم کرنے کا نوٹیفکیشن جاری کریں گے۔
ذرائع نے یہ بھی دعویٰ کیا ہے کہ پارٹی رکنیت ختم ہونے پر شیر افضل مروت سے بطور ایم این اے استعفیٰ مانگا جائے گا۔
جبکہ اس سے قبل شیر افضل مروت کو پارٹی کیخلاف بیانات دینے پر شوکاز نوٹس جاری کیا گیا تھا۔