لاہور (آئی آر کے نیوز): پاکستان کرکٹ بورڈ (پی سی بی) کی جانب سے لاہور کے قذافی اسٹیڈیم کی کمرشل سرگرمیاں بحال کرنے کا فیصلہ کرلیا گیا ہے۔
گزشتہ برس اپ گریڈیشن کے بعد قذافی اسٹیڈیم کی کمرشل سرگرمیاں تاحال بحال نہیں ہوئی تھیں۔ اپ گریڈیشن سے قبل قذافی اسٹیڈیم کے ارد گرد ریسٹورنٹس، دوکانیں اور شادی ہالز قائم تھے۔
پاکستان کرکٹ بورڈ نے قذافی اسٹیڈیم کے کمرشل ایریا کی ڈیولپمنٹ اور موڈیفکیشن کے آرکیٹیکچرل کنسلٹنسی کی پیشکشیں طلب کی ہیں۔
پاکستان کرکٹ بورڈ کی جانب سے کنسلٹنسی کے لیے پیشکشیں 12 دسمبر تک طلب کی گئی ہیں۔