کراچی (آئی آر کے نیوز): سندھ حکومت کے ترقی کے بڑے بڑے دعوے ہوا ہوگئے، رواں مالی سال کے 11 ماہ مکمل ہوچکے، لیکن صوبے کا آدھا ترقیاتی بجٹ بھی استعمال نہ ہوسکا۔
تفصیلات کے مطابق رواں مالی سال 25-2024 کے 11 ماہ کے دوران سندھ میں محض 45.27 فیصد ترقیاتی بجٹ ہی خرچ ہوسکا ہے، جب کہ غیر ترقیاتی بجٹ 73.68 فیصد ہی خرچ کر دیا گیا۔
ترقیاتی بجٹ کے لیے مختص 493 ارب روپے میں سے 288 ارب جاری کیے گئے، لیکن 204 ارب روپے خرچ ہوسکے ہیں، رواں مالی سال کے آخری ایک ماہ میں 223 ارب روپے خرچ کرنے ہیں۔
رواں مالی سال میں 4644 ترقیاتی منصوبوں کے لیے بجٹ مختص کیا گیا تھا، جن میں 4249 نامکمل اور 359 نئے منصوبے شامل ہیں۔