پاکستان کرکٹ ٹیم اور پی ایس ایل میں ملتان سلطانز کے کپتان محمد رضوان کا کہنا ہے کہ انٹرنیشنل لیول کرکٹ کا الگ دباؤ ہوتا ہے، اچھا ریکارڈ برقرار رکھنا آسان نہیں ہوتا۔
تفصیلات کے مطابق ان خیالات کا اظہار محمد رضوان نے لاہور میں پریس
کانفرنس کے دوران کیا ۔ انہوں نے کہا کہ شائقین نےجیسی امید کی ویسی قومی کرکٹ ٹیم
نے پرفارمنس نہیں دی، شائقین کرکٹ ناراض ضرور ہوتے ہیں، میرے لیے ماضی کی پرفارمنس
محض ماضی ہے، میں ماضی کو نہیں سوچتا، ماضی میں پرفارمنس اچھی ہو یا بری، میں ماضی
یاد نہیں رکھتا، اگر ماضی میں رہا تو مستقبل میں سب کچھ ختم ہوجائےگا۔
انہوں نے مزید کہا کہ سب کو اچھی طرح معلوم ہے کیا ہورہا ہے کیا نہیں،
سلیکشن کمیٹی کے پاس اپنی اتھارٹی ہے اور کپتان کے پاس اپنی اتھارٹی ہے جب کہ
چیئرمین پی سی بی کے سامنے سب جواب دہ ہیں۔
دوسری جانب فاسٹ بولر اور
لاہور قلندرز کے کپتان شاہین آفریدی نے کہا کہ ہر دن سیکھنے کا ہوتا ہے، ماضی میں
نہیں رہنا چاہیے، لاہور قلندرز میں نوجوان کھلاڑیوں سے متعلق پرجوش ہوں، غلطی
انسان سے ہوجاتی ہے، پی ایس ایل کو انجوائے کریں گے۔