امریکا میں خطرناک طوفان اور سیلاب، 17 ریاستیں متاثر

موسمیاتی ماہرین کی جانب سے امریکا کی 17 ریاستوں کو شدید طوفان سے خبردار کردیا گیا ہے۔

غیر ملکی میڈیا کے مطابق امریکہ میں طوفان اور سیلاب نے تباہی مچادی ہے۔ مختلف ریاستوں میں خوفناک طوفان کے تھریٹ الرٹز شہریوں کو جاری کردئیے گئے ہیں۔

میڈیا رپورٹس کے مطابق ریاست کیلی فورنیا،کینٹکی، مسی سپی، ایلی نوائے، ٹیننسی، مسوری اور الباما سمیت امریکا کی سینٹرل اور مشرقی ریاستوں میں شدید طوفان کا خطرہ ہے۔

محکمہ موسمیات کی جانب سے اسے ایک بڑا اور خطرناک طوفان بتایا جارہا ہے جو جمعہ سے اتوار تک ریاستوں پر اثر انداز ہوسکتا ہے۔

موسمیاتی ماہرین نے خبردار کیا ہے کہ 2 درجن سے زیادہ طوفان ملک کے مرکز سے جمعہ کی رات سے ہفتے کی صبح تک ٹکرا سکتے ہیں۔

میڈیا رپورٹس کے مطابق طوفان کی وجہ سے سیلابی صورتحال پیدا ہوسکتی ہے جب کہ ہوا کے بگولوں اور برفباری کا سامنا بھی رہے گا جس کے باعث نظام زندگی مفلوج ہوسکتی ہے۔

ادھر ریاست کیلی فورنیا میں سیلابی ریلے میں کار سوار پھنس گیا جسے ہیلی کاپٹر کے ذریعے ریسکیو کیا گیا۔